Hazel Whyte
Dowie Dens O' Yarrow
The Dowie Den’s O’ Yarrow


O’ late at e’en and drinking the wine
Ere we made the lawing
We set a pact o’ the two between
Tae fecht it in the dawning

Stay hame, stay hame  my bonny bairn
Bide wae me the morrow
For my cruel brothers will you betray
On the Dowie Den’s o’ Yarrow

As he gaed doon by Tenny’s Field
I’ll wat he gaed wae sorrow
For there in a den were nine armed men
On the Dowie Den’s o’ Yarrow

Well have ye cam tae part yer land
Or cam ye here tae borrow
Or did ye cam tae wield yer brand
On the Dowie Den’s o’ Yarrow

I hav’na cam tae part my land
Nor yet tae beg or borrow
But I have come tae wield my brand
On the Dowie Den’s o’ Yarrow

I see ye all ye’r nine tae one
And that’s an unfair marrow
But I will fight while lasts my brand
On the Dowie Den’s o’ Yarrow

Well five did he hack and four did he slay
On the bloody braes o’ Yarrow
‘Til that fause knight came in ahint
And ran his body through-o

Gae hame gae hame guid brother John
Find yer sister Sarah
Her lief lord lies cruelly slain
On the bloody braes o’ Yarrow

As she gaed doon yon low low hill
I’ll wat she gaid wae sorrow
For there in a den were ten slain men
On the bloody braes o’ Yarrow
Please be patient - Quality Audio takes time to load
Scottish Songs and Celtic Ballads
Modern
and
Traditional
Folk Music